Yonqar Lövhə
Scalis olaraq müştərilərimizə yüksək keyfiyyətli, funksional və estetik məhsullar təqdim etmək üçün dünyanın tanınmış və etibarlı mdf məhsulları, boya və mebel aksesuarları istehsalçıları ilə sıx əməkdaşlıq edirik. Bu əməkdaşlıqlar sayəsində, məhsul çeşidimizi genişləndirir, eyni zamanda fərdi tələblərə və zövqlərə uyğun məhsul həlləri təklif edirik.
İstehsalçılarla olan tərəfdaşlığımız, yalnız məhsul gətirməkdən ibarət deyil. Biz həm də onların məhsulları haqqında ətraflı məlumat verir, seçim prosesində sizə məsləhətçilik dəstəyi göstərir və sifarişlərinizi operativ şəkildə həyata keçiririk.
Aşağıda təqdim etdiyimiz brendlər siyahısından sizin üçün uyğun olan brendin səhifəsinə keçid edərək, onların məhsullarını incələyə və istədiyiniz məhsulu Scalis vasitəsilə sifariş edə bilərsiniz.
1969-cu ildə Hayat Holdingin tərkibində Türkiyədə qurulan Kastamonu, qısa zamanda ağac emalı və mebel sənayesinin qabaqcıl şirkətlərindən birinə çevrilmişdir. Şirkət, mebel, dekorasiya və tikinti sektorları üçün geniş çeşidli yüksək keyfiyyətli məhsullar istehsal edir.
Kastamonunun fəaliyyət sahələrinə yonqar lövhə, xam mdf, mdf laminat, laminat parket, mdf panel və bir çox digər mdf məhsullarının istehsalı daxildir. Türkiyədə 6, Rumıniya, Bosniya və Herseqovina, Bolqarıstan, Rusiya və İtaliyada olmaqla cəmi 18 istehsalat müəssisəsinə sahib olan şirkət, 96 ölkəyə ixracat edərək qlobal miqyasda güclü mövqe tutur. Kastamonu xüsusilə Rusiyadakı istehsalat obyektləri ilə MDF və parket məhsullarında 30%-lik bazar payı ilə sektor liderliyini qürurla davam etdirir. Şirkət, sənayedəki uzun illik təcrübəsi və davamlı inkişafa olan sadiqliyi ilə adını keyfiyyət, innovasiya və etibarlılıqla eyniləşdirmişdir.
1897-ci ildən bəri ağac emalı sənayesində mükəmməlliyin simvolu olan Kronospan, dünya miqyasında ağac əsaslı panellərin və əlaqəli məhsulların istehsalı və paylanmasında lider mövqedədir. Şirkət, yonqar lövhə, MDF, laminat parket, OSB və yüksək keyfiyyətli mətbəx/masaüstü dəzgahlar kimi geniş çeşiddə məhsullar təqdim edir.
İnnovasiyaya, qüsursuz keyfiyyətə və davamlı gələcəyə sarsılmaz sadiqliyi ilə tanınan Kronospan, 41 istehsalat sahəsi və qlobal paylama şəbəkəsi vasitəsilə dünyanın hər bir nöqtəsindəki müştərilərin ehtiyaclarını qarşılayır. Şirkətin məhsulları mebel, döşəmə, mətbəx dizaynı və tikinti kimi müxtəlif sahələrdə layihələrə dəyər qatır, estetik və funksional həllər təqdim edir.
