Zeytun Yağı: Sağlam Qidalanmanın Əsas Elementlərindən Biri

Son illərdə dünyada sağlam həyat tərzinə olan marağın artması ilə bir çox təbii məhsullar insanların gündəlik qida seçimlərinə daxil edilməyə başlanmışdır. Bu məhsullar arasında zeytun yağı xüsusilə seçilir. Təbii tərkibi, orqanizmə faydaları və çoxşaxəli istifadə imkanları ilə zeytun yağı, həm qədim mətbəxlərin, həm də müasir qidalanma modellərinin əsas komponentlərindən birinə çevrilmişdir.

Zeytun Yağının Sağlamlığa Faydaları

Zeytun yağı tərkibindəki təbii maddələr sayəsində insan orqanizmi üçün çoxsaylı faydalar təqdim edir:

 1. Ürək-damar sağlamlığı

Zeytun yağı, xüsusilə monodoymamış yağ turşuları ilə zəngindir. Bu turşular, xolesterin səviyyəsini tarazlaşdırmaqla ürək-damar xəstəliklərinin qarşısının alınmasında mühüm rol oynayır.

2. Dəri sağlamlığını qoruyur

Zeytun yağı dərini nəmləndirir və qidalandırır, onun elastikliyini artırır. Antioksidantlar sayəsində dəridə yaranan zədələnmələrin və qocalma proseslərinin qarşısını almağa kömək edir, dərini daha parlaq və sağlam saxlayır.

3. Həzm sisteminin dəstəklənməsi

Zeytun yağı mədənin fəaliyyətini tənzimləyir, bağırsaqların hərəkətliliyini artırır və təbii laksatif kimi təsir göstərir.

4.Qan şəkərinin tarazlanmasına dəstək

Zeytun yağı qan şəkərinin tənzimlənməsinə kömək edir. Tərkibindəki faydalı maddələr insulin həssaslığını artırır və yeməkdən sonra qan şəkərinin yüksəlməsinin qarşısını alır. Bu səbəbdən zeytun yağı şəkərli diabet riskinin azaldılmasında faydalıdır.

Zeytun Yağı Seçərkən Nələrə Diqqət Yetirilməlidir?

Zeytun yağı alarkən düzgün seçim etmək üçün aşağıdakı məqamlara xüsusi diqqət yetirilməlidir:

1. Etiketdə “Extra Virgin” yazısı

Bu, zeytun yağının ən yüksək keyfiyyətli və təmiz formada olduğunu göstərir. “Extra Virgin” zeytun yağı kimyəvi təmizləməyə məruz qalmadan, sadəcə mexaniki üsullarla əldə edilir.

2. Turşuluq səviyyəsi (Acidity)

Keyfiyyətli zeytun yağında turşuluq səviyyəsi 0.8%-dən aşağı olmalıdır. Daha aşağı səviyyə məhsulun daha təravətli və təmiz olduğuna işarədir.

3. Qablaşdırma forması

Tünd rəngli şüşə butulkalar və ya hava keçirməyən metal qablar zeytun yağını işıq və oksigen təsirindən qoruyaraq keyfiyyətini uzun müddət saxlayır.

4. İstehsal və qablaşdırma tarixi

Zeytun yağı təzə olduqca keyfiyyətli olur. Ona görə də məhsulun preslənmə və qablaşdırma tarixinə diqqət yetirmək vacibdir.

5. Sertifikatlaşdırma və mənşə məlumatı

Məhsulun mənşə ölkəsi və sertifikatları onun izləniləbilən və şəffaf istehsal zəncirindən keçdiyini göstərir. ISO, IFS, BRC, GlobalGAP və DOP kimi beynəlxalq tanınmış sertifikatlara malik məhsullara üstünlük verilməlidir.

Zeytun Yağının İstifadə Sahələri

Zeytun yağı yalnız mətbəxdə deyil, həm də gündəlik həyatın digər sahələrində geniş istifadə olunur:

Kulinariya:

Salatlarda, souslarda, marinadlarda, isti yeməklərin hazırlanmasında və hətta desertlərin tərkibində istifadə oluna bilər.

Sağlamlıq məqsədləri üçün:

Səhərlər acqarına bir qaşıq zeytun yağı qəbul etmək, həzm sisteminin və qaraciyərin fəaliyyətinə müsbət təsir göstərir.

Kosmetik istifadə:

Dəri və saç baxımında təbii nəmləndirici və qoruyucu kimi geniş istifadə olunur.

Uşaq qidalanmasında:

İlkin yaş dövründə az miqdarda əlavə olunan zeytun yağı, uşaq orqanizminin inkişafını dəstəkləyir.

Davamlılıq və Ətraf Mühitə Təsir

Zeytun yağı istehsalı ətraf mühitə nisbətən az təsir göstərən, dayanıqlı kənd təsərrüfatı sahələrindən biridir. Bu məhsulu istehsal edən məsuliyyətli şirkətlər əkinçilikdən tutmuş qablaşdırma və logistikaya qədər ekoloji yanaşmanı əsas tutur. Bioloji parçalanan qablaşdırmalar, karbon emissiyasının azaldılması və zərərsiz gübrələrdən istifadə bu sahədə artan bir tendensiyadır.

Keyfiyyətli Brend Seçimi – Etibarlı Markalarla Sağlam Seçim

Zeytun yağı seçərkən məhsulun mənşəyi, istehsal prosesi, brendin tarixçəsi və beynəlxalq sertifikatlara malik olması xüsusi əhəmiyyət kəsb edir. Bu baxımdan uzun illərdir beynəlxalq bazarlarda etibar qazanmış, keyfiyyət və şəffaflığa önəm verən markalara üstünlük verilməsi məqsədəuyğundur.

Monini – 1920-ci ildən etibarən İtaliyada fəaliyyət göstərən və artıq üç nəsildir ailə nəzarətində idarə olunan bu brend, yüksək keyfiyyətli “extra virgin” zeytun yağları ilə tanınır. Monini məhsulları ISO, BRC, DOP ,BIO, Organic, Kosher və Halal kimi nüfuzlu beynəlxalq sertifikatlara malikdir. Bu göstəricilər həm məhsulun dad və tekstura keyfiyyətini, həm də sağlamlıq və təhlükəsizlik standartlarına uyğunluğunu təsdiqləyir.

Borges – İspaniyanın aparıcı zeytun yağı istehsalçılarından biri olaraq, təbii tərkibli, aşağı turşuluğa malik və davamlı qablaşdırma texnologiyası ilə istehlakçı etimadını qazanmışdır. Borges-in “Extra Virgin” zeytun yağları həm gündəlik istifadəyə, həm də premium kulinariya ehtiyaclarına cavab verir. Şirkətin məhsulları BRC A+, IFS Food, FSSC 22000, ISO 9001,NON-GMO Project  kimi beynəlxalq sertifikatlarla təsdiqlənmişdir.

Qeyd olunan bu tanınmış brendlərin Azərbaycandakı rəsmi distribütorları sırasında Dinçer və Carçıoğlu şirkəti

xüsusi yer tutur. Şirkət bu məhsulların topdan idxalı ilə yanaşı, premium satış nöqtələrində, o cümlədən “Delicates” mağazalar şəbəkəsində də satışını həyata keçirir. Beləliklə, yerli alıcılar beynəlxalq keyfiyyətə uyğun zeytun yağı məhsullarını etibarlı mənbədən əldə etmək imkanı qazanırlar.